हिमायतनगर (तालुका प्रतिनिधी शेख खयुम):
येथील हिमायतनगर-भोकर मार्गावरील सोनारी फाट्याजवळ आज एक हृदयद्रावक अपघात घडला. या भीषण अपघातात सद्दाम नावाच्या तरुणाचा जागीच मृत्यू झाला आहे.
सद्दामच्या वडिलांचे आधीच निधन झाले असून, तो आपल्या कुटुंबाचा एकमेव आधार आणि कमवता व्यक्ती होता. त्याच्या अचानक जाण्याने संपूर्ण कुटुंबावर दुःखाचा डोंगर कोसळला असून परिसरात मोठी हळहळ व्यक्त होत आहे. पोलिसांनी घटनास्थळी धाव घेत पंचनामा केला असून पुढील तपास सुरू आहे. सद्दामच्या अपघाती निधनामुळे संपूर्ण तालुक्यात शोककळा पसरली आहे.
