पल्स पोलिओ मोहिमेत शिवसेना जिल्हा उपाध्यक्ष मसूद खान यांचा सक्रीय सहभाग; बालकांना डोस पाजून केले मोहीम फत्ते करण्याचे आवाहन!
हिमायतनगर (तालुका प्रतिनिधी शेख खय्यूम):
येथील उपजिल्हा रुग्णालयात आज दि. २८ जून रोजी पल्स पोलिओ लसीकरण मोहीम अत्यंत उत्साहात आणि यशस्वीपणे पार पडली. या महत्त्वपूर्ण राष्ट्रीय मोहिमेत शिवसेना अल्पसंख्याक विभागाचे नांदेड जिल्हा उपाध्यक्ष, धडाडीचे नेते मसूद खान यांनी स्वतः उपस्थित राहून लहान बालकांना पोलिओचे डोस पाजले आणि मोहिमेचे नेतृत्व केले.
याप्रसंगी बोलताना मसूद खान यांनी जनतेला आवाहन केले की, “देशाचे भविष्य सुदृढ, सशक्त आणि पोलिओमुक्त ठेवण्याची जबाबदारी आपल्या सर्वांची आहे. एकही बालक या सुरक्षा कवचापासून वंचित राहू नये, यासाठी सर्व पालकांनी जागरूक राहून आपल्या मुलांना वेळेवर पोलिओ डोस दिलाच पाहिजे.”
ही मोहीम पूर्ण ताकदीने यशस्वी करण्यासाठी उपजिल्हा रुग्णालयाचे सर्व सन्माननीय डॉक्टर, वैद्यकीय अधिकारी, अहोरात्र झटणारे कर्मचारी आणि विशेष परिश्रम घेणारे आपले खंदे समर्थक सादिक भाई यांच्या अतुलनीय योगदानाबद्दल मसूद खान यांनी त्यांचे जाहीर आभार मानले व पाठबळ दिले.
