शेख मुजाहिद ससंपादक मो.7798306192
उमरखेड तालुक्यातील इसापूर-पिंपळवाडी गावातील रहीवासी आणि सामाजिक कार्यात महत्त्वपूर्ण योगदान देणारे श्री. संजय उत्तम जाधव यांना संत रामराव महाराज प्रेरणा पुरस्कार २०२५ जाहीर झाल्याची घोषणा करण्यात आली आहे. बंजारा समाजाच्या विकासासाठी विशेष योगदान देणाऱ्या व्यक्तींना गौरवण्यासाठी या पुरस्काराचे वितरण केले जाते.
संत डॉ. रामराव महाराज बंजारा समाज विकास फेडरेशनच्या चौथ्या वर्धापन दिनानिमित्त आयोजित कार्यक्रमात हा पुरस्कार प्रदान केला जाणार आहे. हा प्रतिष्ठित कार्यक्रम ११ जानेवारी २०२५ रोजी महाराष्ट्रातील प्रसिद्ध तीर्थक्षेत्र पोहरादेवी (तहसील मानोरा, जिल्हा वाशीम) येथे भव्य स्वरूपात पार पडणार आहे.
या समारंभाचे अध्यक्षस्थान आमदार धर्मगुरू बाबूसांगजी महाराज भूषविणार आहेत. या कार्यक्रमादरम्यान समाजासाठी अपार मेहनत घेतलेल्या आणि सामाजिक न्यायासाठी लढा देणाऱ्या अनेक मान्यवरांचा गौरव केला जाणार आहे.
संत रामराव महाराज प्रेरणा पुरस्कार मिळाल्याने श्री. संजय जाधव यांच्या कार्याचा योग्य सन्मान झाला आहे. श्री. जाधव यांनी पत्रकारितेद्वारे समाजातील गरजू आणि शोषित व्यक्तींना न्याय मिळवून देण्यासाठी झटत अनेक उपक्रम राबवले आहेत. त्यांनी केलेल्या कामामुळे उमरखेड तालुक्यातील नागरिक त्यांच्यावर अभिमान व्यक्त करत आहेत.
पुरस्कार सोहळ्यात समाजातील प्रत्येक घटकाने सहभागी होऊन श्री. जाधव यांना प्रोत्साहन द्यावे आणि कार्यक्रमाची शोभा वाढवावी, असे आवाहन संस्थेने केले आहे. हा कार्यक्रम केवळ पुरस्कार वितरणाचा नव्हे, तर समाजसेवेतील योगदानाचा सन्मान करणारा दिवस असेल.
संजय जाधव यांचे योगदान:
श्री. जाधव यांनी पत्रकारितेच्या माध्यमातून सामाजिक न्याय, शैक्षणिक प्रबोधन, ग्रामीण विकास, शेतकऱ्यांचे हक्क आणि गरिबांना आधार देण्याच्या उद्देशाने सतत प्रयत्न केले आहेत. त्यांनी उमरखेड तालुक्यातील अनेक समस्यांवर आवाज उठवला आणि लोकांना न्याय मिळवून दिला
सर्व नागरिकांनी या कार्यक्रमात सहभागी होऊन श्री. जाधव यांना शुभेच्छा द्याव्यात आणि त्यांच्या कार्याचा सन्मान करावा, असे आवाहन आयोजकांनी केले आहे.
