शहर
हिमायतनगर शहरातील मतदारांसाठी ‘SIR’ फॉर्म भरणे बंधनकारक; ३० जूनपासून भव्य मोहिमेला सुरुवात
- हिमायतनगर( तालुका प्रतिनिधी शेख खय्यूम )
हिमायतनगर:
शहरातील प्रत्येक नागरिकाला मुख्य प्रवाहात आणण्यासाठी आणि मतदारांची अत्यंत अचूक व अद्ययावत माहिती नोंदवण्यासाठी आगामी काही दिवसांत संपूर्ण शहरात भव्य ‘SIR’ फॉर्म वाटप मोहिमेचा शुभारंभ केला जात आहे. या अत्यंत महत्त्वाकांक्षी आणि देशहिताच्या मोहिमेत हिमायतनगर शहरातील एकाही नागरिकाची गैरसोय होऊ नये, यासाठी स्थानिक मतदारांनी आपली सर्व आवश्यक कागदपत्रे आत्तापासूनच तयार ठेवावीत, असे जाहीर आवाहन वार्ड क्रमांक १४ चे लोकप्रिय प्रतिनिधी तथा अल्पसंख्याक काँग्रेस पार्टीचे नांदेड जिल्हा उपाध्यक्ष फेरोज खान यांनी केले आहे.
या ऐतिहासिक राष्ट्रीय मोहिमेचा लाभ घेण्यासाठी मतदारांना आधार कार्ड, मतदार ओळखपत्र, २ रंगीत पासपोर्ट साईज फोटो, स्वतःचा चालू मोबाईल नंबर आणि ई-मेल आयडी ही अत्यंत महत्त्वाची कागदपत्रे सोबत बाळगणे अनिवार्य आहे. हा अत्यंत महत्त्वाचा अर्ज अचूकपणे भरून संबंधित बी.एल.ओ. (BLO) अधिकाऱ्यांकडे जमा करण्याची मुदत ३० जून २०२६ ते २९ जुलै २०२६ पर्यंत प्रशासनाकडून निश्चित करण्यात आली आहे.
”हा केवळ एक सरकारी फॉर्म नसून आपल्या शहराच्या आणि लोकशाहीच्या बळकटीकरणासाठी उचललेले एक महत्त्वपूर्ण पाऊल आहे,” असे सांगत फेरोज खान यांनी शहरातील प्रत्येक सजग नागरिकाने ही अत्यंत महत्त्वाची बातमी आपल्या संपूर्ण कुटुंबासह, नातेवाईक आणि मित्रपरिवारापर्यंत तातडीने पोहोचवून या मोहिमेत १०० टक्के सहभाग नोंदवावा, असे आग्रहाचे आवाहन केले आहे.
