​हिमायतनगर (तालुका प्रतिनिधी शेख खयुम):
शहरात सुरू असलेल्या नाल्यांच्या (गटर) बांधकामात काही लोक वैयक्तिक स्वार्थासाठी आणि आर्थिक मागणीसाठी अडथळे निर्माण करत आहेत. हे लोक जनहिताच्या कामात खोडा घालत असून, प्रशासनाने कोणत्याही दबावाखाली न येता हे काम तातडीने पूर्ण करावे, अशी मागणी ‘ऑल इंडिया मुस्लिम युवा टायगर सेना’ व स्थानिक नागरिकांच्या वतीने करण्यात आली आहे. यासंदर्भात सार्वजनिक बांधकाम विभागाच्या (PWD) शाखा अभियंत्यांना आज लेखी निवेदन देण्यात आले.
​कामाच्या दर्जाबद्दल नागरिकांचे समाधान
हिमायतनगर तालुक्यात सध्या सुरू असलेले नाल्यांचे काम अत्यंत दर्जेदार पद्धतीने होत आहे. स्थानिक नागरिक, विशेषतः महिलांनी या कामाबद्दल समाधान व्यक्त केले आहे. तांत्रिकदृष्ट्या हे बांधकाम अतिशय मजबूत असल्याचे दिसून येत असतानाही, काही मोजक्या व्यक्ती विकासकामात अडथळे आणून स्वार्थासाठी विकासकामात खोडा घालणाऱ्यांचा प्रयत्न हाणून पाडा; हिमायतनगर सार्वजनिक बांधकाम विभागाला निवेदनकाम बंद पाडण्याचा जाणीवपूर्वक प्रयत्न करत असल्याची तक्रार निवेदनात करण्यात आली आहे.
​”जनतेचा त्रास सहन करणार नाही”
“जर आज हे काम थांबले, तर भविष्यात या भागात पुन्हा काम होणे कठीण होईल आणि त्याचा फटका सर्वसामान्य जनतेला बसेल,” अशी भीती नागरिकांनी व्यक्त केली आहे. त्यामुळे प्रशासनाने या प्रवृत्तींना थारा न देता जनहिताचे काम त्वरित पूर्णत्वास न्यावे, अशी आग्रही मागणी करण्यात आली.
​उपस्थिती:
निवेदन देताना तालुका अध्यक्ष शेख युसूफ शेख महेबुब व शेख इलीयास खुरेशी यांच्यासह संघटनेचे पदाधिकारी व मोठ्या संख्येने स्थानिक नागरिक उपस्थित होते. निवेदनासोबत परिसरातील नागरिकांच्या स्वाक्षऱ्यांचे पत्रही जोडण्यात आले असून, प्रशासनाला प्रत्यक्ष कामाची पाहणी करण्याची विनंतीही करण्यात आली आहे.