महाराष्ट्र पोलीस दलात मोठे फेरबदल; नांदेडचे पोलीस अधीक्षक अभिराज कुमार यांची पुणे येथे बदली, निलेश रोहेन सांभाळणार जिल्ह्याची कमान

​ (प्रतिनिधी शेख खय्यूम):

नांदेड:-राज्य शासनाच्या गृह विभागाने आज, २३ जून २०२६ रोजी पोलीस दलात मोठे प्रशासकीय फेरबदल केले आहेत. या अधिकृत आदेशानुसार, नांदेड जिल्ह्याचे पोलीस अधीक्षक अभिराज कुमार यांची पुणे शहर येथे पोलीस उपआयुक्त (DCP) पदावर नियुक्ती करण्यात आली आहे.
​अभिराज कुमार यांच्या बदलीनंतर आता हिंगोलीचे पोलीस अधीक्षक निलेश रोहेन हे नांदेडचे नवे पोलीस अधीक्षक (SP) म्हणून जबाबदारी सांभाळणार आहेत. शासनाचे आदेश आजच जारी झाल्यामुळे नवनियुक्त पोलीस अधीक्षक निलेश रोहेन हे येत्या एक ते दोन दिवसांत (२४ किंवा २५ जून रोजी) रीतसर पद्धतीने नांदेड गाठून आपल्या पदाची अधिकृत सूत्रे हाती घेणार आहेत.
​हिंगोलीत श्रीमंत लाड यांची नियुक्ती
निलेश रोहेन यांच्या बदलीमुळे रिक्त झालेल्या हिंगोलीच्या पोलीस अधीक्षक पदावर खामगावचे अपर पोलीस अधीक्षक श्रीमंत लाड यांची पदोन्नतीने नियुक्ती करण्यात आली आहे. राज्यातील कायदा व सुव्यवस्था अधिक बळकट आणि सुदृढ करण्यासाठी गृह विभागाने हे नियमित प्रशासकीय फेरबदल केले आहेत.