शहर
हिमायतनगर: सुसाट वाऱ्याने शहराची दाणादाण; घरांचे पत्रे उडाले अन् दुकानांचे बॅनर फाटले
हिमायतनगर (तालुका प्रतिनिधी शेख खय्यूम):
हिमायत नगर शहर आणि परिसरात १९ एप्रिल २०२६ रोजी रात्री १० च्या सुमारास अचानक निसर्गाचा मोठा तडाखा बसला. पाऊस नसतानाही आलेल्या प्रचंड चक्रीवादळाने संपूर्ण शहरात नुकसान केले आहे.
या सुसाट वाऱ्यामुळे मुख्य बाजारपेठेतील अनेक दुकानांवरील बॅनर आणि फ्लेक्स बोर्ड फाटून रस्त्यावर पडले आहेत. वाऱ्याचा वेग इतका जास्त होता की, अनेक घरांवरील पत्रे उडून लांबवर जाऊन पडले, ज्यामुळे नागरिकांचे नुकसान झाले आहे. तसेच, विजेच्या तारा एकमेकांना चिकटल्याने शॉर्ट सर्किट झाले असून संपूर्ण शहराचा वीज पुरवठा खंडित झाला आहे. अचानक आलेल्या या संकटामुळे लोकांची मोठी धांदल उडाली असून प्रशासनाने तातडीने नुकसानीचे पंचनामे करावेत, अशी मागणी केली जात आहे.
