उमरखेडमध्ये अवैध धंद्यांचा सुळसुळाट; प्रशासन झोपेत – १६ एप्रिलपासून श्याम धुळे यांनी. दिला आमरण उपोषणाचा इशारा!

मुख्य संपादक

उमरखेड शहरात दिवसेंदिवस वाढत चाललेल्या अवैध धंद्यांविरोधात संतापाचा ज्वालामुखी उसळला असून पोलीस प्रशासनाच्या निष्क्रियतेवर तीव्र रोष व्यक्त होत आहे. अनेक वेळा तक्रारी करूनही कोणतीही ठोस कारवाई होत नसल्यामुळे अखेर भीम टायगर सेनेचे जिल्हाध्यक्ष श्याम माधवराव धुळे यांनी थेट आमरण उपोषणाचा इशारा दिला आहे.
मिळालेल्या माहितीनुसार, उमरखेड शहर व परिसरात मटका, जुगार, गुटखा, गांजा, अवैध दारू,
आणि इतर अवैध धंदे उघडपणे सुरू असून यामुळे कायदा व सुव्यवस्थेचा प्रश्न गंभीर बनला आहे. विशेष म्हणजे, या अवैध कारवायांना काही स्थानिक उमरखेडचे ठाणेदार व पोलिसांचा आशिर्वाद असल्याचा गंभीर आरोप करण्यात आला आहे. त्यामुळे सर्वसामान्य नागरिकांमध्ये भीतीचे वातावरण निर्माण झाले आहे.
वारंवार तक्रारी – पण कारवाई शून्य!
दिनांक 23 फेब्रुवारी 2026 रोजी दिलेल्या तक्रारीनंतरही कोणतीही ठोस कारवाई न झाल्यामुळे संताप वाढला आहे. उलट, अवैध धंदे अधिकच वाढल्याचे चित्र आहे.
जीवितास धोका – प्रशासन जबाबदार!
श्याम धुळे यांनी स्पष्ट शब्दात इशारा दिला आहे की,
“जर माझ्या जीवितास काही धोका झाला, तर त्यास संपूर्ण पोलीस प्रशासन व अवैध धंदेवाले जबाबदार राहील.”
१६ एप्रिलपासून आमरण उपोषण!
अवैध धंदे पूर्णपणे बंद करण्यासाठी आणि संबंधितांवर कठोर कारवाई करण्याच्या मागणीसाठी
16 एप्रिल 2026 पासून उपविभागीय दंडाधिकारी कार्यालयासमोर आमरण उपोषण सुरू करण्यात येणार आहे. जनतेचा सवाल:
प्रशासन एवढं निष्क्रिय का?
अवैध धंद्यांना कोणाचा पाठींबा?
पोलिस कारवाई का होत नाही?
निष्कर्ष:
उमरखेडमध्ये कायदा-सुव्यवस्थेचा बोजवारा उडाला असून, जर प्रशासनाने तात्काळ कठोर पावले उचलली नाहीत, तर हा प्रश्न आणखी गंभीर होण्याची शक्यता आहे. आता सर्वांचे लक्ष 16 एप्रिलच्या उमरखेड परिसरात उपोषणाकडे लक्ष जनता चा लागला आहे लागले आहे.