शेख मुजाहिद ससंपादक मो.7798306192
उमरखेड :देशाचे महान सपूत, अर्थतज्ञ चौदावे पंतप्रधान डॉ मनमोहन सिंह यांच्या निधनाने देशावर दुःख कळा पसरली असून, सात दिवसीय राष्ट्रीय दुखवटा पाळल्या जात आहे. यावेळी स्थानिक राजस्थानी भवन येथे सर्वपक्षीय सामूहिक श्रद्धांजली वाहण्यात आली.
जागतिक दर्जाचे अर्थतज्ञ, देशाच्या अर्थव्यवस्थेची घडी बसवणारे 14 वे माजी पंतप्रधान डॉ मनमोहन सिंग यांचे निधन 26 डिसेंबर रोजी झाले. त्यामुळे संपूर्ण देशात सात दिवसीय राजकीय दुखवटा जाहीर करण्यात आला आहे. देशाच्या महान सुपुत्राला मानवंदना देण्यासाठी स्थानिक राजस्थानी भवन येथे सर्वपक्षीय श्रद्धांजलीपर कार्यक्रम आयोजित करण्यात आला होता. या कार्यक्रमात सर्व पक्ष नेते व पदाधिकारी उपस्थित होते. स्वर्गीय डॉ मनमोहन सिंग यांना सर्वांनी श्रद्धांजली वाहत, आपल्या भावना व्यक्त केल्या. त्यांनी देशाची सेवा करत असताना, योग्य आर्थिक नियोजन करून घडी बसवण्याचे काम केले. आधार कार्ड, ऑनलाइन पेमेंट, अन्नसुरक्षा कायदा, रोजगार हमी योजना अशा अनेक त्यांनी केलेल्या कार्याचा गौरव यावेळी करण्यात आला. आपल्या देशाचा आर्थिक विकास थांबू नये, यासाठी दोन दशकापासून त्यांनी केलेल्या प्रयत्नाच्या व निर्णयाच्या भरवशावरच, आपल्या अर्थव्यवस्थेला बळकटी आलेली, आजही बघायला मिळत आहे. अशाही भावना यावेळी व्यक्त करण्यात आल्या.
यावेळी विधानसभेचे आमदार किसनराव वानखडे, माजी आमदार विजयराव खडसे, माजी जि प सभापती तातू देशमुख, नंदकिशोर अग्रवाल, राम देवसरकर, नितीन भुतडा, चितांगराव कदम, दत्तराव शिंदे, सुदर्शन रावते, बाळासाहेब चंद्र, सतीश नाईक, प्रज्ञानंद खडसे, किशोर ठाकूर, अमोल तुपेकर , पंडागळे साहेब, बाळासाहेब नाईक, बाळासाहेब भट्टड आदी शेकडो सर्वपक्षीय पदाधिकारी व नागरिक श्रद्धांजली वाहण्यासाठी उपस्थित होते.
