उमरखेड वार्ता: जुन्या गोष्टी विसरून प्रेमाने मिठी मारूया; हिंदू-मुस्लिम एकतेची ‘रमजान ईद’ उत्साहात!
हिमायतनगर (प्रतिनिधी शेख खयुम):
पवित्र रमजान महिन्यातील खडतर उपासनेनंतर आज सर्वत्र आनंदाची ‘ईद’ साजरी होत आहे. यावर्षी कडक उन्हातही लहान मुलांनी दाखवलेला संयम आणि बुजुर्ग मंडळींनी केलेली भक्ती ही सर्वांसाठी मोठी प्रेरणा ठरली आहे. हदीसच्या शिकवणीनुसार, रमजान हा केवळ उपवासाचा महिना नसून तो कुराणची तिलावत, नमाज आणि आपल्या इच्छांवर ताबा मिळवण्याचा महिना आहे.
”भेदभाव सोडा, माणुसकी जोडा”
खऱ्या अर्थाने ईद तेव्हाच साजरी होते, जेव्हा आपण मनातील जुनी दुश्मनी, हेवेदावे आणि कटुता विसरून एकमेकांना प्रेमाने मिठी मारतो. आजच्या दिवशी प्रत्येक हिंदू-मुस्लिम बांधवांनी एकत्र येऊन सण साजरा करणे, हीच आपल्या देशाची खरी ताकद आहे. एकमेकांना शिरखुर्मा भरवून आणि प्रेमाची भेट देऊन आपण आज एक नवा इतिहास घडवूया.
उमरखेड वार्ता परिवारातर्फे सर्व देशवासियांना आणि मुस्लीम बांधवांना या मंगल दिनी सुख, शांती आणि समृद्धी लाभो, हीच सदिच्छा!
ईद मुबारक! — आपला प्रतिनिधी, उमरखेड वार्ता (हिमायतनगर शेख खयुम)
