हिमायतनगर पोलीस ठाण्यात जमादार बालाजी पाटील यांना ‘स्टार’; पोलीस निरीक्षक लक्ष्मण केंद्रे यांच्या हस्ते एएसआय (ASI) पदाचा गौरव

​हिमायतनगर (तालुका प्रतिनिधी शेख खय्यूम): स्थानिक पोलीस ठाण्यामध्ये अत्यंत प्रामाणिकपणे आणि कर्तव्यनिष्ठेने सेवा बजावणारे जमादार बालाजी पाटील यांना खात्यांतर्गत पदोन्नती मिळाली असून, त्यांच्या खांद्यावर सहाय्यक पोलीस उपनिरीक्षक (ASI) पदाचा मानाचा ‘स्टार’ लावण्यात आला आहे.
​हिमायतनगर पोलीस ठाण्याचे पोलीस निरीक्षक लक्ष्मण केंद्रे यांच्या शुभहस्ते नवनियुक्त बालाजी पाटील यांच्या खांद्यावर स्टार लावून आणि शाल-श्रीफळ देऊन त्यांचा जाहीर गौरव करण्यात आला.
​या प्रसंगी पोलीस ठाण्याचे सहायक पोलीस निरीक्षक विशाल वाठोरे यांनी उपस्थित राहून नवनियुक्त अधिकाऱ्यांचे पुष्पगुच्छ देऊन अभिनंदन केले आणि पुढील वाटचालीस शुभेच्छा दिल्या.
​तसेच पोलीस ठाण्याचे पोलीस उपनिरीक्षक अजमोदीन शेख यांनीही या सोहळ्यात सहभाग घेत बालाजी पाटील यांच्या उल्लेखनीय सेवेचे कौतुक करून त्यांना भावी प्रवासासाठी शुभेच्छा दिल्या.
​त्याचप्रमाणे शामसुंदर नागरगोजे यांनी पाटील यांच्या खांद्यावरील स्टारचे स्वागत करत पोलीस दलाची मान उंचावल्याबद्दल त्यांचा विशेष सत्कार केला.
​यासोबतच सहकारी पोलीस अंमलदार शंकर जाधव यांनीही उपस्थित राहून बालाजी पाटील यांच्या पदोन्नतीबद्दल आनंद व्यक्त केला आणि पोलीस प्रशासनाच्या वतीने त्यांचे आभार मानले.
​या महत्त्वपूर्ण पदोन्नतीमुळे केवळ हिमायतनगर पोलीस ठाण्यातच नव्हे, तर संपूर्ण नांदेड जिल्ह्यातून आणि सर्व स्तरांतून नवनियुक्त सहाय्यक पोलीस उपनिरीक्षक बालाजी पाटील यांच्यावर अभिनंदनाचा मोठा वर्षाव होत आहे.