महागाव तालुक्यात बिगर नंबर प्लेट ट्रॅक्टरवर रेतीचा धुमाकूळ हिवरा घाटातून अवैध वाहतूक; महसूल पथकाची कारवाई**

महागाव प्रतिनिधी संजय नागरगोजे

महागाव तालुक्यात अवैध रेती वाहतूक करणाऱ्या बिगर नंबर प्लेट ट्रॅक्टरची संख्या वाढत असून, अल्पवयीन मुले 16–17 वर्षांच्या वयोगटात ही वाहने चालवत असल्याने अपघाताचा गंभीर धोका निर्माण झाला आहे.
हिवरा घाटातून अवैध रेती वाहतूक – ट्रॅक्टर जप्त
काल दिनांक 8 डिसेंबर 2025 रोजी सकाळी सुमारे 8 वाजता उपविभागीय महसूल पथकाने हिवरा येथील रेती घाटावर मोठी कारवाई करत, विनानंबर प्लेट ट्रॅक्टर जप्त केला.
सदर ट्रॅक्टर विकास पाचकोरे यांच्या मालकीचा असून अवैध रेती वाहतूक करताना पथकाने पकडला.

ही कारवाई फटाले, दीपक चव्हाण आणि अक्षय बनकुलवा यांच्या पथकाने संयुक्तरीत्या केली.
अल्पवयीनांकडून ट्रॅक्टर चालवण्याचा वाढता धोकादायक ट्रेंड
महागाव तालुक्यात अनेक ठिकाणी अल्पवयीन मुलांकडून ट्रॅक्टर चालवले जात असल्याचे चित्र स्पष्ट दिसत असून, बिगर नंबर प्लेट वाहने अपघाताला आमंत्रण देत आहेत. सध्या हिवरा घाट, हिंगणी, धनोडा रोड परिसरात रेती वाहतुकीचा वेग वाढला आहे.
कारवाईनंतरही प्रश्न अनुत्तरित — मोठ्या प्रमाणावर जप्ती होईल का?

हिवरा येथील कारवाईनंतर नागरिकांनी प्रश्न उपस्थित केला आहे की—
तालुक्यात धड openly बिगर नंबर प्लेटची अवैध रेती वाहतूक सुरू असताना,
उरलेल्या वाहने तातडीने जप्त केली जातील का?
अल्पवयीन वाहनधारकांवर कडक कारवाई होईल का?
महागाव तालुक्यात रेती माफियांची वाढती दादागिरी आणि नियमांना दिलेले खुले आव्हान पाहता पुढील काही दिवसात अधिक कारवाई होण्याची शक्यता नागरिकांकडून व्यक्त केली जात आहे.