शेख मुजाहिद ससंपादक मो.7798306192
उमरखेड : पोदार प्रेप स्कूल, उमरखेड येथे चिमुकल्या विद्यार्थ्यांचा ‘ग्रॅज्युएशन डे’ मोठ्या आनंदात आणि उत्साहात पार पडला. या विशेष दिवशी बालवर्गातील विद्यार्थ्यांनी शिक्षणातील एका टप्प्याचा यशस्वी प्रवास पूर्ण केला.
त्यावेळी संस्थेचे संचालक अजय क्षीरसागर, प्रमुख पाहुणे म्हणून मा. न्यायाधीश अमरजीत जाधव, शाळेचे प्राचार्य डॉ. भैरोबा मुंजाळ, प्रशासकीय अधिकारी अतिश दिघेवार आदी मान्यवर उपस्थित होते.
कार्यक्रमाची सुरुवात दीपप्रज्वलनाने झाली. उपस्थित पालक, शिक्षकवृंद आणि पाहुण्यांच्या उपस्थितीत चिमुकल्या विद्यार्थ्यांनी आपले मनोगत सादर करत उपस्थितांची मने जिंकली.
कार्यक्रमाचे प्रमुख पाहुणे मा. न्यायाधीश अमरजीत जाधव यांनी आपल्या मनोगतातून बालशिक्षणाचे महत्त्व अधोरेखित केले आणि विद्यार्थ्यांना पुढील शैक्षणिक वाटचालीसाठी शुभेच्छा दिल्या. सर्व चिमुकल्यांना ग्रॅज्युएशन सर्टिफिकेट देण्यात आले.
कार्यक्रमाचे सूत्रसंचालन वैष्णवी साबळे व राधेश्याम शिंदे तर आभारप्रदर्शन दिव्यांश दुबे या चिमुकल्याने केले. कार्यक्रमाच्या यशस्वितेसाठी समन्वयक निखिल तुकदेव, ज्योती सुंदर, भाग्यश्री मिटकरे, रेवा देशमुख, गौरी देवसरकर, स्नेहा देशमुख यांच्यासह सर्व शिक्षक व शिक्षकेतर कर्मचारी यांनी सहकार्य केले. संपूर्ण वातावरण आनंदमय आणि भावनिक होते. पालकांनी देखील आपल्या मुलांचा गौरव बघून समाधान व्यक्त केले.
