सामाजिक कार्यकर्ता अंबादास धुळे यांच्या वाढदिवसाचे औचित्य; तरोडा केंद्रातील आठ शाळेत केले वाटप..

(वाढदिवसानिमित्त ९६५ विद्यार्थ्यांना सहा हजार वस्तू भेट..!)

सिध्दार्थ दिवेकर (उमरखेड तालुका प्रतिनिधी)

उमरखेड :- (दि. ७ जुलै) सामाजिक कार्यकर्ता अंबादास धुळे यांनी आपल्या ३८ व्या वाढदिवसानिमित्त तरोडा केंद्रातील आठ जिल्हा परिषदेच्या ९६५ विद्यार्थ्यांना स्कूल बॅग, टिफिन बॉक्स, पाणी बॉटल, उजळणी, वही आणि पेन अश्या सहा हजार वस्तू सह नऊ टिनपत्रे प्राथमिक जिल्हा परिषद व उच्च माध्यमिक शाळेच्या विद्यार्थ्यांना शाळेत जाऊन भेट म्हणून दिले.

या भेटीने विद्यार्थ्यांच्या चेहऱ्यावरचा आनंद मात्र द्विगुणीत झाला होता.

सामाजिक कार्यकर्ता अंबादास धुळे नेहमीच सामाजिक कार्यात अग्रेसर राहिले आहेत आणि लोकांना आपलं दायित्व मानून यांनी मदत केली आहे.

यावेळी त्यांनी आपल्या वाढदिवसानिमित्त अनाठाई खर्च न करता आपल्या विभागातील तरोडा केंद्रातील प्राथमिक जिल्हा परिषद आणि उच्च प्राथमिक शाळेच्या ९६५ विद्यार्थ्यांना आपल्या स्वखर्चातून सहा हजार भेटवस्तू विकत आणून या विद्यार्थ्यांना शाळेत जाऊन भेट दिल्या यात पिंपळदरी, धनज, आडद, तरोडा, मोहदरी,पोफाळी तांडा,वसंतनगर आणि कळमुला येथील शाळेचे ९ टिनपत्रे खराब झाली होती येथे नवीन ९ टिनपत्रे भेट दिली.

एक हजार स्कूलबॅग, एक हजार टिफिन बॉक्स,एक हजार पाणी बॉटल, एक हजार उजळणी,एक हजार वह्या आणि एक हजार पेन हे साहित्य प्रत्येक जिल्हा परिषद शाळेत जाऊन विद्यार्थ्यांना भेट म्हणून देण्यात आले.

शाळेच्या सुरुवातीलाच ते साहित्य विद्यार्थ्यांच्या हातात पडताच अनेक विद्यार्थ्यांच्या चेहऱ्याचा आनंद द्विगुणित झाला होता. यावेळी शाळेत वाटपासाठी महाराष्ट्र प्रदेश काँग्रेस कमिटीचे सचिव तातूभाऊ देशमुख, पंचायत समितीचे माजी सभापती डॉ. विठ्ठलराव चव्हाण,पंचायत समितीचे माजी सदस्य मनीषा कराळे, सूरेश तांबारे अध्यक्ष शालेय शिक्षण समिती, सरपच बंडू ढाकरे,पिंपळदरीचे सरपंच बंडू तांभारे,संतोषराव ठाकरे गजानन महाराज संस्थान अध्यक्ष पोफाळी, उपसरपंच आडद, मारोतराव कराळे,गजानराव गरवारे, देवानंद नरवाडे,उत्तमराव रिठे गुलाबराव मिरासे, गणेश गुहाडे,आनंदराव कवाने,शरद ठाकरे,प्रसाद पतंगराव,संभाजी शिंदे,रविकांत शिंदे, दत्तराव जारंडे,डॉ.रवि कलाने हे नागरिक उपस्थित होते.

सूत्र संचालन खंडाळे सर तर आभार ठाकरे सर देशमुख सर यांनी मानले.