राष्ट्रीय विश्वगामी पत्रकार संघाच्या पुढाकारातून उपक्रम; महाराष्ट्र संपर्कप्रमुख प्रफुल्ल मेश्राम यांच्या अध्यक्षतेखाली कार्यक्रम उत्साहात
राष्ट्रीय विश्वगामी पत्रकार संघाचे महाराष्ट्र संपर्कप्रमुख प्रफुल्ल मेश्राम यांच्या अध्यक्षतेखाली सार्वजनिक बांधकाम विभाग मंडळाच्या कार्यालयाजवळील नाग मंदिर परिसरात महाप्रसादाचे आयोजन करण्यात आले. धार्मिक श्रद्धेसोबतच सामाजिक बांधिलकी आणि आपसी भाईचाऱ्याचा संदेश देणारा हा उपक्रम उत्साहात पार पडला.
या महाप्रसादाच्या आयोजनातून समाजातील विविध घटकांना एकत्र आणण्याचा आणि सामाजिक सलोखा मजबूत करण्याचा सकारात्मक प्रयत्न करण्यात आला. कार्यक्रमस्थळी उपस्थित बांधवांनी महाप्रसादाचा लाभ घेतला.
यावेळी नितीन मेश्राम, सुधाकर पाटील, अमृत राठोड, रवी दरेकर, प्रदीप आंबाडकर, विनोद कुटे, शुभम चंदने, दुसानी, निखिल खैरे यांच्यासह संघटनेचे पदाधिकारी, कार्यकर्ते व बांधव मोठ्या संख्येने उपस्थित होते.
सामाजिक बांधिलकीचा उपक्रम
पत्रकारिता ही केवळ बातम्या प्रसिद्ध करण्यापुरती मर्यादित नसून सामाजिक प्रश्नांबाबत जनजागृती आणि समाजहिताच्या उपक्रमांना प्रोत्साहन देण्याचीही जबाबदारी आहे. या पार्श्वभूमीवर आयोजित करण्यात आलेल्या महाप्रसादाच्या उपक्रमाचे उपस्थितांकडून कौतुक करण्यात आले.
कार्यक्रमादरम्यान सामाजिक एकता, बंधुभाव आणि परस्पर सहकार्याचा संदेश देण्यात आला. उपस्थितांनी धार्मिक व सामाजिक उपक्रमांच्या माध्यमातून समाजात सकारात्मक वातावरण निर्माण करण्याची गरज व्यक्त केली.
‘उमरखेड वार्ता’ विशेष वृत्त
