लोकशाहीर अण्णाभाऊ साठे यांच्या जयंतीनिमित्त हिमायतनगर ,नगर पंचायत येथे अभिवादन सोहळा उत्साहात पार पडला
हिमायतनगर (तालुका प्रतिनिधी शेख खय्यूम): साहित्यरत्न, लोकशाहीर अण्णाभाऊ साठे यांच्या जयंतीनिमित्त हिमायतनगर नगर पंचायत कार्यालयात आयोजित विशेष कार्यक्रमात उपनगराध्यक्ष विनोद गुंडेवार यांच्या हस्ते अण्णाभाऊ साठे यांच्या प्रतिमेस पुष्पहार अर्पण करून व पूजन करून विनम्र अभिवादन करण्यात आले.
याप्रसंगी प्रथम नगराध्यक्ष अब्दुल अखील, नगरसेवक सरदार खान, नगरसेविका प्रतिनिधी शेख इलियास, नगरसेविका प्रतिनिधी अब्दुल कलीम आणि इतर मान्यवरांची विशेष उपस्थिती होती.
यावेळी वक्त्यांनी अण्णाभाऊ साठे यांच्या जीवनकार्याचा गौरव करताना सांगितले की, त्यांनी डफ आणि शाहिरीच्या माध्यमातून संयुक्त महाराष्ट्र चळवळीत मोठी जनजागृती केली. ब्रिटिशांविरुद्ध आणि सामाजिक अन्यायाविरुद्ध लढण्याची प्रेरणा देण्यासोबतच त्यांनी शोषित व वंचित घटकांच्या हक्कासाठी आयुष्यभर संघर्ष केला. ‘फकिरा’सारख्या अजरामर साहित्यातून त्यांनी मानवी मूल्ये व राष्ट्रप्रेमाची शिकवण दिली.
या कार्यक्रमास नगर पंचायतीचे पदाधिकारी, परिसरातील नागरिक, शेख जुबेर, समाजसेवक व पत्रकार मोठ्या संख्येने उपस्थित होते.
