महागाव प्रतिनिधी संजय नागरगोजे)
महागाव तालुक्यातील सेनंदसह बेलदरी, घाणमुख, धारमोहा, धनोडा, बिजोरा, कोठारी व लोहरा या गावांमध्ये किराणा दुकानांमधून देशी व विदेशी दारूची बेकायदेशीर विक्री सुरू असल्याचा धक्कादायक प्रकार उघडकीस आला आहे. या पार्श्वभूमीवर संतप्त ग्रामस्थांनी महागाव पोलीस ठाण्याकडे लेखी तक्रार दाखल केली आहे.
ग्रामस्थांच्या म्हणण्यानुसार, गेल्या काही महिन्यांपासून काही किराणा दुकानांतून खुलेआम दारू विक्री केली जात आहे. या बेकायदेशीर धंद्यामुळे गावातील तरुण पिढी व्यसनाधीन होत असून भांडणे, कौटुंबिक वाद आणि गुन्हेगारी प्रवृत्तीमध्ये वाढ होत असल्याची चिंता व्यक्त करण्यात आली आहे.
विशेषतः महिलांच्या सुरक्षिततेचा प्रश्नही गंभीर बनत असल्याचे ग्रामस्थांचे म्हणणे असून, गावातील वातावरण बिघडत चालल्याची खंत त्यांनी व्यक्त केली आहे.
या विरोधात गावातील नागरिकांनी एकत्र येत दारूबंदीची मागणी केली असून महागाव पोलीस ठाण्यात विनंती अर्ज सादर केला आहे. बेकायदेशीररीत्या चालणारी देशी व विदेशी दारू विक्री तात्काळ बंद करून संबंधितांवर कठोर कारवाई करावी, अशी ठाम मागणी ग्रामस्थांनी केली आहे.
दरम्यान, या प्रकरणाची पोलिस प्रशासनाने तातडीने दखल घेऊन कारवाई करावी, अशी अपेक्षा नागरिकांकडून व्यक्त
